Ezetaerre

“Ezetaerre somos un grupo de rap combativo e en galego formado polo Garchu (A Coruña), o Pirola (Ourense) e o Petrowski (O Porriño). A nosa andaina comezou na Facultade de Comunicación Audiovisual da Coruña, onde compartimos estudos, loitas e experiencias no movemento estudantil. A partires de aí sacamos unha maqueta de presentación, o disco Aspiracións mínimas e urxentes, os singles A herdanza do vento e Non é verán de Estrella Damm e o recente EP 100. Isto non vai quedar aquí e seguiremos dando guerra, sen esquecer esas tres palabras que nos acompañan dende o comezo: dignidade, solidariedade e humildade.”