programa «Os Xoves da Capela» da Concellería de Cultura de Ferrol
A vocalista e compositora galego-suiza Nastasia Zürcher presenta neste elegante espectáculo musical unha fusión e reinterpretación en ton íntimo do seu repertorio, baseado tanto nos discos que asina como nos temas adiantados do seu novo álbum estreado a comezos do 2022. Neste formato acústico a dúo, voz e piano, acompañada polo seu productor e arranxista Adrián Saavedra, agasallan cunha música variada en estilos, pasando do neo soul, o pop-folk de autor ate as músicas do mundo. Abandeirados polas súas cancións e manexo dos seus instrumentos, desprenden dinamismo e swing nun emotivo, expresivo e cercano concerto no Torrente Ballester o 10 de febreiro 2022 as 21h (apertura de portas 20h30).
