SIMBIOSE é o novo espectáculo de Sheila Patricia
con Chucho González nas voces e
batería ,Gabi Reboredo na percusión
galega e voces e Miriam Rodríguez nas voces.
Trátase dunha revisión de ritmos populares galegos e
de outros lugares do mundo que, fusionados
con electrónica dan lugar a un novo formato onde
o ritmo e o movemento toman todo o protagonismo.
Unha mestura de cores con sabor atlántico a
camiño entre o tradicional e o moderno.
Sheila Patricia é unha das novas voces de Galicia, cunha
especial sensibilidade e unha potente presenza do
empoderamento na súa música.
Filla dunha galega e dun arxentino, percibimos nas
súas composicións trazos do folclore de ambos
lugares.
A contínua preocupación polo seu, pola súa terra
reflíctese no seu discurso artístico, recuperando
o sentimento do canto popular, herdanza da súa avoa,
unha das máis fortes referencias femininas de Sheila.
