Concierto en Vigo de León Benavente

Co seu primeiro disco homónimo, León Benavente ( Marxophone, 2013), necesitaron moi pouco tempo para colocarse nos carteis dos principais festivais e abarrotar salas do noso país, ademais de cruzar o charco.

Agora anuncian que o seu cuarto disco, “Era”, publicarase o próximo 21 de xaneiro e xa coñecemos o seu primeiro adianto, Líbrame do mal, tema que dá algunhas pistas de como serán os novos ritmos do esperado novo álbum do grupo. Ritmos de baile que seguro salpicarán o resto de temas de “Era”, con moito protagonismo das programacións de Edu Baos sen deixar de lado o selo da banda coas letras agudas e acrobáticas de Abraham Boba.

Novos sons para un novo traballo do cuarteto que mantendo a esencia, non deixan de sorprender.