LOGO_REGALAMUSICA_GALICIA_NEGRO
letras galegas

CANCIÓNS EN GALEGO PARA FESTEXAR O DÍA DAS LETRAS GALEGAS

O Día Das Letras Galegas viuse na obriga este ano de aprazarse ao 31 de outubro. Máis en Regalamúsica non queremos deixar de festexar este día nun momento tan clave para a cultura como o que estamos a vivir. Por iso, reunimos neste top cancións en idioma galego, de todos os estilos e xéneros, novas propostas d@s nos@s artistas, tod@s el@s unid@s conmemorando este día idóneo para visibilizar as cancións que toman o idioma galego como referente.

Prepárate para unha sesión de música made in Galicia, porque aquí te deixamos a nosa particular lista. 

 

GUADI GALEGO E IVÁN FERREIRO - "CEDEIRA"

Reproduccións en Youtube: 54.401

Pertencente ao último disco de Guadi, “Inmersión”, que reinterpreta as propias cancións da artista en nada menos que sete idiomas diferentes. O tema conta coa colaboración especial dun dos artistas referentes na escena galega, Iván Ferreiro, quen canta por primeira vez en galego este “Cedeira”, un canto á terra natal de Guadi.

Reproduccións en Spotify: 162.538

XOEL LÓPEZ - "DURME"

Reproduccións en Youtube: 11.836 

A canción de berce que pecha o último disco de Xoel López, “Soños e Pan”, está adicada ao seu fillo. O artista compúxoa  improvisando mentres lle rumoreaba ao durmir. Un tenro e delicado tema, idóneo para relaxarse.

Reproduccións en Spotify: 272.215

TRIÁNGULO DE AMOR BIZARRO - "A CANTIGA DE JUAN C"

Reproduccións en Youtube: 41.919

O tema é unha versión da canción popular das Bahamas “The John B Sails”, que a banda publicou precisamente para conmemorar o Día Dás Letras Galegas no ano 2016. A letra, completamente adaptada, é un canto a Galicia: “Á miña terra galega eu quero voltar…”

Reproduccións en Spotify: 432.072

BAIÚCA - "FISTERRA"

Reproduccións en Youtube: 59.866

A vangarda da escena galega dos últimos anos ten a un dos seus referentes en Baiúca. O artista colabora con Carlangas, vocalista de Novedades Carminha, en “Fisterra”, unha tema clásico da música tradicional galega reinterpretado agora cun cóctel de ritmos electrónicos, dub e reggae.

Reproduccións en Spotify: 240.889

NASTASIA ZüRCHER - "ESPERTOS"

Reproduccións en Youtube: 3.431

Presente no seu último álbum, “Beat”, a artista suízo-galega regálanos este optimista tema ao piano e percusións con sonoridades afro, co que foi premiada no Festival Liet International  de Holanda en 2018.

Reproduccións en Spotify: 3.090

XABIER DÍAZ E AS ADUFEIRAS DO SALITRE - "ILLAS DE SAL"

Reproduccións en Youtube: 14.670

O primeiro single do novo disco de Xabier Díaz e As Adufeiras Do Salitre é un tema de tradición e raíces, aderezado con sons étnicos. Orixinario da música popular, “Illas de Sal”  foi recollido polo etnomusicólogo estadounidense Alan Lomax, e agora reiventado polo artista.

Reproduccións en Spotify: 7.969

OS AMIGOS DOS MÚSICOS - "AS CRÓNICAS"

Reproduccións en Youtube: 4.346

O tema forma parte do último álbum da banda, “Segundo Fogar”, e fala dunha viaxe ao pasado. Unha canción con son pop-folk atemporal, gravada no Estudo A Ponte de Santiago de Compostela.

Reproduccións en Spotify: 10.176

CAXADE - "LESMAS SECAS"

Reproduccións en Youtube: 2.411

É o primeiro adianto do seu próximo disco de estudo. “Lesmas Secas” regresa ao momento de partida do proxecto musical de Alonso Caxade. Gravado nos Estudos A Ponte con Tomas Ageitos, Caxade xa ten adiantado que nos seus próximos directos estreará nova banda. (O tema aínda non está dispoñible en Spotify).

THE SKARNIVALS - "DO REVÉS"

Reproduccións en Youtube: 12.589

Primeiro adianto do que será o sucesor de  “Movemento Irracional”, último álbum de estudo de The Skarnivals, publicado en 2016. O tema é unha profunda crítica á ausencia de liberdade de expresión e á recorrente censura do sistema.

Reproduccións en Spotify: 26.036

TANXUGUEIRAS - "PERFIDIA"

Reproduccións en Youtube: 26.362

Un amargo relato sobre a traizón, a hipocrisía e a deslealdade na amizade, cunha melodía recollida da obra “Gustav Henningsen. Gravacións musicais en Galiza”. O tema foi o primeiro single de “Contrapunto”, o último disco de estudo de Tanxugueiras.

Reproduccións en Spotify: 28.917

LUAR NA LUBRE - "BENVIDO"

Reproduccións en Youtube: 4.443

Unha das bandas máis internacionais da nosa escena preséntanos este primeiro adianto de “Vieiras e vieiros. Historias de peregrinos”, o seu próximo álbum. O tema, un canto de benvida aos peregrinos e peregrinas dos diferentes camiños do roteiro Xacobeo, conta coa colaboración especial de Miguel Ríos.

Reproduccións en Spotify: 11.707

CAROLINA RUBIROSA - "O TEU CAMIÑAR"

Reproduccións en Youtube: 797

É a canción promocional oficial do Camiño Inglés, unha homenaxe aos peregrinos e peregrinas que percorren o roteiro. Como dato curioso: o videoclip está protagonizado por Julia Baird, irmá de John Lennon. O carismático integrante de The Beatles tiña planeado facer o roteiro xunto a Salvador Dalí.

Reproduccións en Spotify: – de 1.000

MOUNQUP - "DO SIL AO MAR"

Reproducciones en Youtube: 222

Unha vibrante fusión de loops e electrónica conforman este tema, segundo corte de “Castro Verdi”, o último disco de estudo da considerada por moitos e moitas a “Björk galega”.

Reproduccións en Spotify: 1.625

SÉS - "LIBERAR AS ARTERIAS"

Reproduccións en Youtube: 3.916

Unha das artistas máis comprometidas e combativas da escena galega recolle o título do tema que dá título ao seu novo disco dun poema da escritora e activista Luz Fandiño. Unha crítica ao sistema, cun retrosuso que reza: “Son a poeta dous que loitan por saír de escravos”.

Reproduccións en Spotify: 24.164

ELADIO Y LOS SERES QUERIDOS - "BAIXARON AS FADIÑAS"

Reproduccións en Youtube: 134

Emilio Cao compuxo o tema en 1977 para o seu disco “Fonte do Araño”, e que agora versiona a banda de Eladio Santos xunto ao propio Cao no seu último disco de estudo, “Academia”, recentemente publicado.

Reproduccións en Spotify: 1.116

Ata aquí o noso top 15 temas para conmemorar o Día Dás Letras Galegas. E por se quedaches con ganas de máis, non deixes de escoitar a nosa playlist de música en galego, para sumerxirte na música creada no noso idioma:

Deja una respuesta

WordPress Video Lightbox



Para suscribirte a nuestra lista de correo debes aceptar la política de privacidad de regalamusica.es

Puedes eliminar tu suscripción en cualquier momento a través del link que incluimos en el pie de nuestros emails.